Documentary On Organic Farming (Watch and put your comments)

https://www.facebook.com/photo.php?v=10201300085494637

என் இமை கூட எனக்கு சுமை

உன்னை
பார்த்து கொண்டு இருக்கும் போது
என் இமை கூட எனக்கு சுமை

நூலகம்

(எப்ரல் 23 உலக புத்தகநாள் வாழ்த்துக்கள்)



புத்தகங்கள்
மெளனமாக சொல்வதை
மனிதர்கள்
கண்களால் கேட்கும்
அதிசய இடம்

இது
சகிப்புத்தன்மையின் சரணாலயம்
பைபுள்,குரான்,பகவத்கீதை
அருகருகே வைத்தாலும்
எவையும்
அடித்துக்கொள்வதுமில்லை
இடித்துக்கொள்வதுமில்லை

இது
ஒரு விமானம்
வந்து அமர்ந்தால் போதும்
பாஸ்போட் வேண்டாம்
பயணச்சிட்டு வேண்டாம்
உலக்ம் சுற்றலாம்

ஏன்
சிந்துசமவெளியின்
சந்துகளைக்கூட
சந்தித்து வரலாம்

இங்கு வரும்
எவரும் நேரத்தை
செலவழிப்பதில்லை
சேமிக்கிறார்கள்

இது
ஒரு தவச்சாலை
இங்கு உங்களுக்கு
வரம் கொடுக்க
புத்தகங்கள்
தவம் கிடக்கிறது

இது தேசத்தின்
அனுபவ வங்கி
நேசம் கொண்டோரே
கணக்கு வைத்துக்கொள்ளுங்கள்

அறிவு பசிப்போரே
உங்களுக்கு இது
அட்சய பாத்திரம்

இங்கு மட்டும்தான்
நூல்கள் மனிதனை
நெய்கின்றன

கொடைக்கானல் மலைப்பாதையில்......

மேகத்தை குனிந்து பார்க்கும்
வரம் கிடைத்தது
எனக்கு அங்குதான்.

நெருப்பால் அல்ல
பூக்களால் புகைந்து
கொண்டிருக்கும் பூமி அது

இங்கெல்லாம் சாலை
ஒரத்தில் மரங்கள் இருக்கும்
அங்கோ
மரங்களின் ஒரத்தில் சாலை

புகைப்பட்டால் கண்களில்
எரிச்சல் வரும்
அங்கு புகைப்பட்ட என்
கண்களுக்கு குளிர்ச்சி வந்தது
அந்த அதிசய புகை
அங்கு மட்டும்தான் சாத்தியம்

அங்கு அவ்வப்போது
வானம் பூக்களை பார்த்து
புன்னகை சிந்தும்
அதற்கு பெயர் சாரல்.

வானவில்லை
நறுக்கி போட்டதைப்போல் எங்கும்
வண்ண வண்ணப் பூக்கள்

அந்த மலையரசிக்கு
கோடிக்கரங்கள்
அத்தனையும் மரங்கள்

மிடுக்கான மலை
துள்ளி வரும்
வெள்ளி அருவி
பசுமை மரங்கள்
ஒன்றாய் பர்ர்த்தால்
என் தேசிய கொடி
நன்றாய் தெரியும்.

அங்கும் பார்த்தேன்
இரண்டாயிரம் அடி
கடல் மட்டத்திற்கு மேல்
மக்கள் வாழ்கிறார்கள்
ஆனால் அவர்களின்
வாழ்க்கை
வறுமை கோட்டிற்கு
கீழேதான்.

மூன்று நாட்கள்
நான் தங்கி வந்து விட்டேன்
என் மனம் இன்னும் வரவில்லை.

அம்மா

என் அம்மாவிற்கு
உவமை சொல்ல
முயல்கிறேன்

என் அம்மாவிற்கு
உவமையாக
கடவுளை சொன்னால்
வேண்டாம்
கடவுள் என்றால்
மதம் இறுக்கும்
மதம் இருந்தால்
சண்டைகள் இருக்கும்

என் அம்மாவிற்கு
உவமையாக
காற்றை சொன்னால்
வேண்டாம்
காற்று
மரத்தின் தலை அசைத்தால்
தென்றல்
மரத்தின் வேரை அசைத்தால்
புயல்

என் அம்மாவிற்கு
உவமையாக
மழையை சொன்னால்
வேண்டாம்
மழையால் நிலத்தில்
விதைத்தது முளைக்கும்
அதுவே வெள்ள்மானால்
முளைத்தது அனைத்தும் மூழ்கும்

உலகில் குறையே
இல்லாத நிறை எது

எல்லா உவமைகளும் உமையாய் நிற்கும்

இப்போது புரிகிறது
என் அம்மாவிற்கு
உவமை
என் அம்மா மட்டும்தான்

அலைபேசி

வார்த்தைகளை சிந்தாமல்
காதில் கொட்டும்
வார்த்தை புனல் செல்

நாம் சொல்வதை
எவர் காதிலும்
திர்த்து சொல்லாத
நேர்மையாளன் செல்

நீங்கள்
புன்னகையோடு பேசினாலும்
கோபத்தோடு பேசினாலும்
உணர்வு வயப்படாத
ஞானி செல்

காதலர்களுக்கு கையடக்க
தூதுவன் செல்

மதியாதார் தலை வாசல் மிதியாதே
இது பழமொழி
அழைப்பை ஏற்ர்காதார்
காதினில் நுழையாதே
இது செல்மொழி

மனிதனுக்கும் சரி
செல்லுக்கும் சரி
காசு இருந்தால்தான் மதிப்பு

காசு இருந்தால்
உன் பேச்சை மற்றவர் கேட்கலாம்
காசு இல்லையென்றால்
மற்றவர் பேச்சைத்தான்
நீங்கள் கேட்க முடியும்

எத்தனை மணி நேரம்
செல்லில் பேசினாலும்
சில மணித்துளிகள்
முகம் பார்த்து
புன்னகைக்கும் சுகத்திற்கு
ஒப்பாகுமா ?

தண்ணீர் ! தண்ணீர் !

முன்பு
காசை தண்ணீர் போல்

செலவு செய்பவனை

ஊதாரி என்பார்கள்

இனி

காசை தண்ணீர் போல்

செலவு செய்பவனை

கருமி என்பார்கள்

முன்பு

பாலில் தண்ணீர் கலந்தால் குற்றம்

இனி

தண்ணிரில் பால் கலந்தால் பெருங்குற்றம்

செய்திகள் இப்படி வரலாம்

தண்ணீர் கடத்திய அமைச்சர்

தனி சிறையில் அடைப்பு

தண்ணீர் கடத்தல் தடுக்க

தனி படை அமைப்பு

சமுகம் இப்படி மாறலாம்
குடத்தில் தண்ணீர் இருந்தால் பணக்காரர்
தொட்டியில் தண்ணீர் இருந்தால் லட்சாதிபதி
குளம் வைத்திருந்தால் கோடிஸ்வரன்

புத்திசாலிகள் வங்கியில்
தண்ணிரை டெப்பாசிட் செய்வார்கள்

மக்கள்
இரத்தம் சிந்தினால் அல்ல
தண்ணீர் சிந்தினால் மட்டும்
கண்ணீர் விடுவார்கள்

இந்த இழி நிலை தடுக்க
மரங்களை வளர்த்து
வேர்களால் வேலி
அமைப்போம்
தண்ணிரை காக்க
நாளைய சமுகத்தின்
கண்ணிரை போக்க.......